Hyang Yesus Kaukum Padem
267 Wenten cerita sujati saking Cakepan Sucine,
indik Hyang Yesus kaukum padem.
268 Risampune Hyang Yesus kaadilin tur nerima ukuman padem,
rika raris Hyang Yesus kabakta ka bukit ring sisin kota Yerusalem,
wawengkon negara anak Ibrani.
Jam sia semengan ring bukite punika,
tangan lan cokor Hyang Yesuse kapacek ring kayu salibe.
Nah,
ring bukite punika anake akeh sane liwat drika,
wenten sane ngraos sapuniki,
269 “Yen saja ragane Putran Sang Hyang Tunggal,
tuun ja uli kayu salibe ento.”
270 Nah,
drika pada wenten para pemimpin agamane lan para guru agama Ibranine,
wenten sane ngraos sekadi puniki,
271 “Ia ngaku deweknyane Putran Sang Hyang Tunggal.
Depang ja apang Sang Hyang Tunggal nylametang ia,
yen saja ia Putran Sang Hyang Tunggal.”
Kenten para pemimpin agama lan para guru agama Ibranine matbat Hyang Yesus.
272 Nah,
kacerita mangkin,
jam roras tengaine,
gumine dados peteng dedet kantos jam tiga sore.
Raris Hyang Yesus nyerahang anggan Idane ring Sang Hyang Tunggal,
raris padem.
Risedek Hyang Yesus padem,
rika raris wenten linuh ageng pisan;
tanah lan bukite pada engkag.
Nah irika wenten pemimpin prajurite nyaksiang paindikane punika ngraos sapuniki,
273 “Sujatine anake puniki Putran Sang Hyang Tunggal.”
274 Kacerita mangkin sorene punika,
wenten anak sugih sane sampun pracaya ring Hyang Yesus nunas layon Hyang Yesuse ring gubernure.
Lan gubernure nagingin pinunas anake sugih punika.
Raris layon Hyang Yesuse kaambil,
raris kakaput nganggen kasa putih kedas.
Anak sugihe punika madue kuburan anyar ring bukit batune sane sampun kapongpong kadadosang gua.
Nah,
ring kuburan gua sane anyar punika,
rika layon Hyang Yesuse kagenahang.
Rika raris kuburan guane punika katekepin nganggen batu sane ageng pisan,
raris anake sugih punika budal.